سوزان نجم الدين، نجمة رمضان هذا العام في الحشاشين بكل جدارة

أثبتت سوزان فألينار إننا قدام نجمة حقيقية بنخسر من عدم وجودها في الدراما المصرية بكثرة ،

والحقيقة انا عايز اشكر بيتر ميمي المخرج الذكي اللي خلانا نشوف عظمة سوزان السنادي فدور جديد وجريء من خلال ألينار.

واضح ان سوزان عندها استراتيجية واضحة في تحضيرها لأدوارها وده باين جدا من خلال أداءها فكل دور على حده، واللي بيتابع سوزان حيعرف اد اي هية بتشتغل على أبعاد وعمق شخصياتها، فتتلون من دور لدور تاني مايشبهوش خالص لافالشكل ولافالأداء

ازاي نجمة بالموهبة العظيمة دي، والحضور الجبار ده، والأداء المتفرّد، مانشوفهاش في أعمال مصرية كتير، دي موهبة لازم استغلالها أكتر، ده حتى مشاهدها اللي كنت أتمنى انها تكون أكتر بكتير في الحشاشين، إلا أنها قدرت تعمل فرق فالمسلسل وتقدم كل مشهد ماستر سين لوحدو وكأنها بتغرّد خارج السرب

واضح ان سوزان عندها مخزون كبير جواها، كل ما بتدّي منه نكتشف إنه لسة مليان أكتر واكتر
هية ملكة الأعمال التاريخية بلا منازع، هية النجمة العربية الوحيدة تقريبا اللي قدرت تقدم التنوع الكبير ده فالشكل والأداء لدرجة كل مرة بتشك فيها وبتتساءل ولو لوهلة؟؟
هية مين دي؟ فبتطلع سوزان نجم الدين

سوزان نجم الدين قدمت دور الشر بمتتهى السلاسة والبساطة والهدوء بعيداً عن الزعيق وتبريق العنين والمبالغة اللي كتير من النجوم بيعملو كده فأقنعتنا وخوفتنا وبقينا منعملها حساب
سوزان نجم الدين غول تمثيل حقيقي وكوكب من الحضور والموهبة أرجو استغلالها فمصر أكتر بكتير .