شاهد بالتفاصيل .. مجموعة من الشباب المصريين يبتكرون أول سيستم متكامل في العالم لمكافحة فيروس كورونا

ابتكر مجموعة من الشباب المصريين  أول سيستم متكامل في العالم لمكافحة فيروس كورونا ، تم تصنيف الفريق من أفضل 10 فرق على مستوى مصر من وسط أكثر من 250 مشروع في الجولة الثانية بأضخم هاكاثون ( مسابقة ) رسمي على مستوى الجمهورية ⁦. 

وبوجود لجنة من كبار المحكمين في الشرق الأوسط وبرعاية من كبرى الجهات الرسمية والخاصة في الدولة مثل وزارة الصحة ووزارة الاتصالات ووزارة التخطيط وأكاديمية البحث العلمي وجامعة النيل والجامعة الأمريكية ومنظمة الأمم المتحدة وغيرهم من المؤسسات العالمية .

شرح الفكرة الفريق في 3 دقايق مختصرة  من خلال الفيديو ده

 

وده تقرير من الـ BBC عن الهاكاثون ، وبعض التصاريح من الفريق الفائز بالجولة الأولى .

https://bit.ly/32ENRbU

وتم اختيار المشروع من ضمن المشاريع المؤهلة على مستوى العالم في أضخم sprint بتقدمه جامعة استانفورد الأمريكية لتأهيل الـ Startups على مستوى العالم وهو Stanford Rebuild Program

بدأت القصه علي حد قولهم  :

احنا مجموعة من الشباب المصريين بندرس في أقسام مختلفة في كليات الهندسة على مستوى جامعات مصر زي جامعة الأزهر وعين شمس والقاهرة والفيوم والجامعة اليابانية والأكاديمية العربية للعلوم والتكنولوجيا وغيرهم من الجامعات

ومع بداية انتشار الوباء في العالم قررنا إننا نطوّع التكنولوجيا بهدف إيجاد حل مبتكر وجذري لإدارة أي وباء، سواء كان Covid-19 أو غيره وكذلك الحد من انتشار الوباء دا.

كانت المشكلة الأساسية اللي بندورلها على حل إن الوباء بينتشر بسبب كثرة تدخل العامل البشري واحتكاك البشر ببعضهم

فـ لما كنا بنفكر في حل كنا عاوزين نخرج العامل البشري بشكل كامل من الموضوع ونخلي كل حاجة بتمشي بشكل Full smart & Digitized

وكان هدفنا إننا نبني Full smart infection control and health services management system

بدأنا المشروع بفكرة صغيرة كانت Smart Gate بتوفر تعقيم للأشخاص بطريقة آمنة وبنصف التكلفة اللي موجودة في السوق حاليًا تقريبا

بعد كده طورنا من فكرة الـ Gate وضيفنا ليها Device صغير عنده القدرة على عمل scan الحالة الصحية الشخصية ، ويستطيع قياس درجة حرارته باستخدام Infrared sensor ، كما أن ال Device تصل دقته في التشخيص قرابة ال 86٪إذا كان مصاب بكوفيد 19 ولا لاء.

⁦⁩بعد كده طورنا ومازلنا بنطوَّر الموضوع أكتر وعملنا سيستم متكامل لإدارة الوباء ومع الـ Device صممنا موقع ويب وموبايل أبلكيشن (تحت الإنشاء) وداتا سنتر كل دول مرتبطين ببعض بتقنيات الـ Clouding , IOT, AI , ML

⁦⁩إضافة لكل ذلك عشان نزيد من دقة التنبؤ باحتمالية الإصابة بنعمل Partnership مع VoiceMed Company بإيطاليا اللي بتوفر VRA Voice Recognition and Analysis

عشان نقدر من خلال صوت الشخص
(مجرد لما يكح عدة مرات، ويتكلم حوالي 15 ثانية ) هيتم تحليل الصوت باستخدام سوفتوير مخصص لذلك وبدمج كل النتائج السابقة وحسب ما وضحه البحث العلمي والنتائج التي تم التوصل إليها يقدر السيستم يحدد إذا كان الشخص مشتبه بإصابته ولا لاء 

⁦مش بس كده احنا دمجنا كل الخصائص اللي فاتت دي في Device صغير منفصل عن الـ Gate وبتكلفة بسيطة جدًا يمكن استخدامه على مداخل المصانع والمستشفيات والمطارات والجامعات والوزارات وأي مؤسسة حكومية أو خاصة

طب ال Device بقى ده هيوفر إيه ؟

السيستم بشكل كامل اللي موفرينه هيوفر حماية كاملة لأي مؤسسة وهيقلل جدًا من احتمالية وجود حد مصاب أو مشتبه بإصابته أصلاً داخل المكان

 ولن يسمح لأي شخص بدخول مكان إلا بعد إجراء التشخيص الإلكتروني من خلال التطبيق الخاص بينا واللي هيستغرق منه 3 دقايق على الأكثر (هذا الوقت لإجراء الإختبار وليس للعبور من الـ smart gate.) وهذا التشخيص يمكن أن يتم إجراؤه من أي مكان ( المنزل – السيارة – الشارع ) من خلال الهاتف

 وبمجرد لما أي شخص يعدي من البوابة هيقدر الجهاز بشكل تلقائي يعمل Scan لحالته الصحية ويتأكد من صحة بياناته ويحدد مدى اشتباهه بالإصابة 

وكمان لن يسمح لأحد بدخول مكان بدون ما يكون لابس ماسك طبي وهيقيس درجة حرارة الشخص ويؤكد على الحالة الصحية الخاصة به

وكل ده بيتم في خلال ثواني معدودة حيث يقوم الجهاز بعمل تشخيص للحالة عند المرور من البوابة بسرعة متنهية حيث يستغرق العبور وإصدار النتائج من 13 لـ 20 ثانية على الأكثر⁦⁦ !
⁩

 وفي حالة تحديده إن شخص ما مصاب أو مشتبه بإصابته هيبعت بياناته بشكل مباشر لأقرب مستشفى (بالتنسيق مع وزارة الصحة) وهيبعتله ماسدج على موبايله يوجهه للإجراءات اللازم اتباعها وهيظهرله عدد من المستشفيات القريبه منه وإللي يقدر يزورها لإجراء المسحه للتأكد من التشخيص، وكمان هيحدد موعد الحجز لزيارة المستشفى منعاً للتزاحم.

 وكمان باستخدما الـ AR هيظهرله على الفون بتاعه الأسهم اللي هتفضل Guide معاه من موقعه لحد ما يوصل لغرفة التحليل بالمستشفى بدون أي إرشاد أو احتياج للعامل البشري

وطول فترة العزل الخاصة به لن يسمح للشخص المصاب ده بدخول الأماكن العامة بشكل كامل منعا إنه ينشر المرض بشكل أكبر إضافة طبعاً إنه بيوفرله تواصل كامل مع كل خدمات الرعاية الصحية المتاحة، علشان يقدر يرجع لحياته الطبيعية في أسرع وقت بعد ما يتم شفاءه إن شاء الله.

بالطريقة دي هنكون حلينا مشكلة التكدس اللي بتحصل في المستشفيات واللي بسببها المرض بينتشر بشكل أكبر.

كمان هنكون متأكدين بنسبة تكاد تصل لأكثر من 90% (وفي زيادة مستمرة، بحيث يساعد استخدام النظام على تعليمه وزيادة نسبة الدقة لما يقارب 97% حسب ما أثبتته الأبحاث والدراسات.)إن كل الأشخاص اللي بداخل الأماكن العامة هم أشخاص غير مصابين أو حاملين للمرض حتى قبل ظهور أعراض كاملة على الشخص

كمان الشخص اللي هيكون مصاب هيلاقي معاه الإرشاد الكامل اللي هيحتاجه بكل سهولة بدون أي تدخل من العامل البشري

وكمان مش هنعمل مسحات غير للأشخاص فعلاً اللي يستحقو لإن من خلال التشخيص الإلكتروني وبدمج كل النتائج السابقة هنقدر نحدد بنسبة كبيرة جداً من احتمالية الشخص بالإصابة

 والبروجكت طبعًا أضخم من كده بكتيير ولن يسعفني أشرح كل شئ في مقال واحد والموضوع يحتاج الكثير من التفصيل

تم توثيق البروجكت بالكامل بمكتب تسجيل براءات الإختراع، وفي طور الإعداد للحصول على براءة الإختراع. 

اشتغلنا على البروجكت إلى الآن قرابة الـ 150 يوم وخضنا فيهم ما يقارب من 10 هاكاثون(مسابقات عالمية ودولية ومحلية) مختلفة 

 أول هاكاثون قدمنا فيه خالص كان هاكاثون تابع لـ Egyptian Innovation Bank ( EIB )

وتم اجتيازنا للمرحلة الأولى والتانية وفي المرحلة التالتة تم تصنيف البروجكت كـ كـ out of the call وتم إبلاغنا من لجنة التحكيم إن البروجكت أكبر من اللي مطلوب بكتير وطلبو مننا إننا نقدم في هاكاثون أكبر من ده

بعد كده قدمنا في Round one at pandemic TeckHack

وده كان يعتبر الهاكاثون الأكبر على مستوى مصر بس لسه كان البروجكت بتاعنا في البداية ولسه الفريق مكنش اكتمل بشكل مثالي وكان محتاج شغل كبير فمتقبلناش من أول مرة بس اتعلمنا حاجات كتير وعرفنا إيه اللي محتاجين نعدله 

بعد كده قدمنا في Africa VSVirus بس كان لسه بردو البروجت محتاج شغل كتير فمتقبلناش بس اتعلمنا بردو حاجات كتير

بعد كده قدمنا في Glopal Hackathone

وده كان على مستوى العالم وفي المرحلة دي زادت شبكة علاقتنا بشكل مهول بناس متخصصين في كافة المجالات من كل أنحاء العالم واللي ساعدونا بعد كده بشكل كبير في إكمال البروجكت

 ثم بعد كده قدمنا في الـ Omac Hackathone بس كانو محتاجين سيستم يكون عبارة عن سوفت وير وهارد وير وكانوا شايفين إن جانب السوفت وير لسه محتاج شغل ف متقبلناش واتعملنا حاجات كتيرة جدا في الفترة دي

 بعد كده قدمنا في الـ Round two at pandemic TeckHack واتقبلنا المرة دي وعدينا من المرحلة الأولى والمرحلة التانية كمان وبشهادة كل المحكمين إن البروجكت بتاعنا كان من أفضل البروجكتات اللي مقدمين 

 كنا اكتسبنا خبرة كافية في الهاكاثونز فقدمنا بعد كده في الـ Hack 19 وده كان هاكاثون تابع للجامعة الأمريكية ( AUC) وبفضل الله المشروع بتاعنا أتقبل وعدينا من المرحلة الأولى والتانية كمان

وفي الفتره دي قدرنا نحل أحد أكبر المشاكل إللي بتواجه وزارة الصحة ألا وهي “إرتفاع معدل إقبال المواطنين على المستشفيات مما سبب التزاحم السلبي داخلها” (حسب ما أعلن عنها مستشار وزيرة الصحة، دكتور أحمد ريحان).

وعدينا كل مراحل المسابقة والمشروع بتاعنا أخد high rating من الـ coachs وأعجبوا بالفكرة جداً وأثناء التصفيات النهائية حصلت بعض المشاكل في النت أثناء العرض النهائي فمكلمناش فيه للأسف وتم تكريم الفريق على أداؤه المتميز على الصفحة الرسمية ليهم تقدر تطلع عليه من خلال اللينك ده https://bit.ly/2WEx4Si

تم تصنيفنا في pandemic TeckHack في المرحلة النهائية من الـ Top 10 Teams على مستوى مصر من وسط أكتر من 250 مشروع مقدمين
وتقدر تطلع على النتيجة بالتفصيل على صفحتهم الرسمية من اللينك ده https://bit.ly/2WJ87oZ

وآخرًا جامعة استانفورد واللي تعتبر من أكبر الجامعات بالولايات المتحدة عملت أضخم مبادرة عالمية تهدف لتأهيل الـ Startups على مستوى العالم وهو Stanford Rebuild Program

وبيوفرو Mentors دكاترة وباحثين في الجامعة وقدم في المبادرة دي قرابة الـ 10000 مشروع على مستوى العالم وتم اختيار المشروع الخاص بينا بين أفضل المشاريع المقدمة⁦⁦⁦

واتقبلنا في البرنامج المقدم من جامعة استانفورد وحاليًا ماشيين فيه ، وكذلك عملنا انترفيوز مع ناس متخصصين عشان ناخد رأيهم في البروجكت وأعجبو جدا بالمشروع وكان من ضمنهم :-

رئيس المقر الإقليمي لجامعات شمال إفريقيا
الرئيس الأسبق لجامعة زويل
رئيس قسم الذكاء الاصطناعي لجامعة زويل
مسؤولين بالجامعة الأمريكية
أحد المنسقين لمشاريع في الشرق الأوسط لشركة نوكيا
بعض الممثلين عن نقابة المهندسين المصرية
والكثير من المديرين والمنسقين في كبرى الشركات في مصر والشرق الأوسط 

الفترة دي خلاص ماشيين في إجراءات تأسيس الشركة بشكل قانوني لإن هننزل السوق قريب جدًا بإذن الله 

البروجكت اللي فات ده كله كان هدفه يخدم قطاعي الصحة بشكل كامل وكذلك الأمن ( health & security industries ).

وسمينا الجانب إللي بيخدم القطاع الصحي Healthidance استمدادًا من كلمة Health إشارة إنه مخصص للقطاع الصحي تقدر حاليًا تدخل على الويب سايت الخاص بينا ( واللي هيكون جاهز بشكل كامل في وقت قريب جدًا ) من اللينك ده www.healthidance.com

ومش بس اقتصرنا على القطاع الطبي

بل قررنا إننا نعمم الموضوع بشكل كامل على كل قطاعات المجتمع ونوفر Integrated smart digital infrastructure solutions

ومن هنا قررنا يكون شركتنا الأساسية هي
DISTR “Digital Infrastructure and Smart Technology Revolution” 

⁦⁩وقررنا إننا نعمم الفكرة على مختلف القطاعات ( البنوك – المصانع – المدارس – الجامعات – الشركات )

وده عن طريق توفير Smart monitoring and security Systems باستخدام تقنيات  الـ artificial intelligence, Deep , machine learning, internet of things ( IoT ) and virtual reality, Augmented reality

تقدر تشوف شرح الفكرة بتاعتنا في 3 دقايق بس من خلال الفيديو ده

احنا يعتبر من أوائل الشركات الناشئة في مصر اللي تهتم بمجال زي ده وكمان مسؤول العلاقات الدولية معانا في الفريق كلم المسؤولين في الوزارات في الهند بحيث إن بعد ما الproduct يكتمل وينزل السوق في مصر هنستهدف بعدها الهند علطول بإذن الله ثم إيطاليا ثم وأمريكا وكل دول أوروبا وأكيد شرقنا الأوسط وأمتنا العربية 

We do believe that; “If we cannot stop the pandemic in-one-bit, then we can manage it bit-by-bit.”
Eng. Ahmed Tawfeeq Founder, CEO

واختتم أحد اعضاء الفريق المهندس”  علي عبدالناصر ” حديثه برساله :

( ما دُمنا أجبرنا على الوجود في تلك الحياة فلنفعل إذن شئ يليق بوجودنا ) .